| पिता :- | श्री बलराम सनेही |
| सम्पर्क:- | 8966886104 |
| ईमेल :- | shashibushansanehi@gmail.com |
| जन्म तिथि :- | 01/05/1986 |
| शिक्षा:- | एम.ए.(अँग्रेजी),डी. एड. |
| पता :- | ग्राम -कैथा,बिलाईगढ़, बलौदाबाजार |
| पद:- | शिक्षक |
| विधा :- | कई पत्रिकाओं में अनेक रचनाएँ प्रकाशित |
| रचना1 शीर्षकन :- | छत्तीसगढ़ के सँस्कार |
| रचना1 :- | !! छत्तीसगढ़ के सँस्कार !! छत्तीसगढ़ के खरौद काशी धन्य हे बस्तर के वनवासी कई-किसम के पहनावा जिंहा खाथें अंगाकर,चटनी-बासी अउ भुइँया के बड़ उपकार हे देख तो आके एक पइत सँगी कइसे छत्तीसगढ़ के सँस्कार हे चउँक-चउँक म पीपर छाँव राम के हावय ममा गाँव जिहाँ सिवाना म बिराजे ठाकुर देव बम्बलेश्वरी दाई के पाँव इहाँ देव-धामी डोंगरी,खार-खार हे देख तो आके एक पइत सँगी कइसे छत्तीसगढ़ के सँस्कार हे महानदी के निरमल पानी हे रिषि-मुनि के अमरित बानी हे जन-जन म बसे जेकर गाथा ओ वीरनारायन बलिदानी हे गुंजे वीर गुंडाधुर के हुँकार हे देख तो आके एक पइत सँगी कइसे छत्तीसगढ़ के सँस्कार हे घरो-घर तुलसी के चौरा हे पूजयँ जम्मों गौरी-गौरा हे पबरित धाम हे गिरौदपुरी सत के चिनहा औंरा-धौरा हे जैतखाम अउ छाता पहाड़ हे देख तो आके एक़ पइत सँगी कइसे छत्तीसगढ़ के सँस्कार हे एक-एक चीज़ ल बाँट के खावँय गाँव लेगे बर चीला रोटी बनावँय जुन्ना लुगरा मन के झूलवा बनाके नानकुन लईका मन ल खेलावँय बबा-बड़कादाई के मया-दुलार हे देख तो आके एक पइत सँगी कइसे छत्तीसगढ़ के सँस्कार हे -शशिभूषण स्नेही कवि,साहित्यकार,शिक्षक बिलाईगढ़, बलौदा बाजार-भाटा. मोबा.8966886104 |
| रचना2 शीर्षकन :- | छत्तीसगढ़ महतारी अँव |
| रचना2 :- | !! छत्तीसगढ़ महतारी अंव !! अरपा,पैरी,महानदी मयँ खारून,सोंढूर,इंद्रावती मयँ भारत माता के दुलारी अँव छत्तीसगढ़ महतारी अँव मयँ छत्तीसगढ़.... चारो मुड़ा हरियाली छायें धान के कटोरा कहायें बोंये तिंवरा के ओन्हारी अँव छत्तीसगढ़ महतारी अँव मयँ छत्तीसगढ़.... अँगना म हे तुलसी माता परछी म हे ढेंकी-जाँता गोंदा फूल के फुलवारी अँव छत्तीसगढ़ महतारी अँव मयँ छत्तीसगढ़.... आगी-पानी सब्बो मिलके करय घाट-घठाउँदा म मया झरय तुँहर जिनगी के संगवारी अँव छत्तीसगढ़ महतारी अँव मयँ छत्तीसगढ़ .... बेद-पुरान म मोर गाथा घाँसी बबा के पहाड़ छाता नरवा-ढोंड़गा के किलकारी अँव छत्तीसगढ़ महतारी अँव मयँ छत्तीसगढ़.... कवि शशिभूषण स्नेही गीतकार बिलाईगढ़ 9399123307 |
| पुरस्कार :- | छत्तीसगढ़ साहित्य रत्न सम्मान पवनी,कृति साहित्य सम्मान सीपत,प्रतिभा सम्मान पचरी,कलमकार सम्मान वक्ता मंच रायपुर सह अनेक प्रशस्ति पत्र रूपी सम्मान |
