सर्वनाम( नामजालघर)
संज्ञा ( जीनिस ) के जघा मा जेकर परयोग किए जाथे, तेला सर्वनाम कथें । येहा संज्ञा के जघा ला पोगरियाय रथें । सही मायने मा सर्वनाम रूपी शब्द हा अइसन शब्द जाल हे, जइसन केवट के फांदा ले मछरी नई उलक - बूलक सके । कन्हूं शब्द ( गोठ ) हा फोकटइया नी बहिर हो सके, बरोबर फसे रईथे । जइसे : - ओं, तैं, मैं ( वो ) आदि सर्वनाम के शब्द हा नाम जाल हे । ये सर्वनाम जाल के तीनों पुरुष के शब्द मन अइसन हे :
1 . प्रथमपुरुष।
2 . द्वितीयपुरुष।
3 . तृतीयपुरुष।
1 . प्रथमपुरूष:
( अ. ) एकवचन: - मैं, मोर, मोला, मैं हर अउर मैं हा ( मैं / मेरा / मझको ) आदि ।
जइसे : - मैं जेवन करत हों । ( मैं भोजन कर रहा हूँ । )
मैं हर कुरिया मा रेहेव । ( कमरे में मैं था । )
मैं काली रइपुर जाहूँ । ( कल मैं रायपुर जाऊंगा । )
एहा मोर कुरिया ए । ( यह मेरा कमरा है । )
मोला कोन मया करही ? ( मुझे कौन चाहेगा ? ) आदि ।
( ब. ) बहुवचन: - हम, हमर, हमला, हमन अउर हम हा ( हम / हमारा / हमको ) आदि ।
जइसे : - हमन तोर संग गोठियाबोन । ( हम तुम्हारे साथ बातें करेगें । )
हमर, हमार ( हमारा ) हमर भाई हे । ( हमारे भाई है । )
अपन हम अपन काम - बूता ल करबोन ( हम अपने कार्यो को करेगें । )
हमला बिस्वास नी होवत हे । ( हमें विश्वास नहीं हो रहा है । )
हमन अपने मारे मरत हन । ( हम स्वयं ही मर रहे हैं । )
हमन ओकर ले पुरबोन । ( हम लोग उससे मुकाबला करेगें ) आदि ।
2 . द्वितीयपुरुषः
( अ. ) एकवचन: - तैं, तोर, तोला अउर तैहर ( तुम / तुम्हारा / तुझको ) आदि ।
जइसे : - तैंआबे । ( तुम आओगे । )
तैं जाबे । ( तुम जाओगे । )
तोर हिरदे मा दया - मया हे ? ( तुम्हरे हृदय में दया - मया है ? )
तोला तो केहेंव मानजा । ( तुझे तो कहा मान ले । )
तैहर का कथस तोला कोन भही । ( तुम क्या कह रहे हो । ) आदि ।
( ब. ) बहुवचन: - तुमन, तुम्हर, तुमन ला ( तुम लोग / आप लोग / तुम लोगों का / तुम लोगों को ) आदि ।
जइसे : - तुमन आवा । ( तुम लोग आओ । )
तुम्हर संग हमु जाबोन । ( हम भी आपके साथ जाएगें । )
तुमन ला कोन हा बताइस हे ? ( आप लोगों को किसने बताया ? ) आदि ।
3 . अन्यपुरुषः
( अ. ) एकवचन: - ओ, वो, ओकर, ओला अउर ओहा ( वह / उसका / उसको / उसे ) आदि ।
जइसे : - ओहर / वोहर खाथे । ( वह खाता है । )
वो गीत गाथे । ( वह गीत गाता है । )
ओकर / वोकर नाम का हे ? ( उसका क्या नाम है ? )
ओला / वोला बलाना । ( उसे बुलाओं । )
ओहा गीस । ( वह गया ? ) आदि ।
( ब. ) बहुवचन: - ओमन, वोमन, ओमन के, ओमन ला अउरओमन हा ( वे / वे लोग / उनका / उनको / उन्हें ) आदि ।
जइसे : - वोमन गाहीं । ( वे गाएगें । )
वोमन के गाँव गे रेहेंव । ( उनके गाँव गया था । )
ओमन ला कोन बुलइस हे ? ( उन्हें किसने बुलाया है ? )
ओमला कोन पठोइस हे ? ( उनको कौन भेजा है ? )
ओमन हा कतीक झिन गे हें ( उन्हों ने कितने लोग गये हैं । ) आदि ।
