ये हा घलोक प्रत्यय के रूप मा सर्वनाम के तृतीय पुरुष के संग जुड़थे अउर संबंध बताथे । ' कर ' ला करे ' बनाय ले सम्बन्ध निश्चित हो जाथे अउर ओमा ' च ' अलग से बाद मा जुड़ जाथे ते हा बड़ रोचक लागथे तेला खाल्हे कोती देखव ।
1 . ' वोकर, ओकर, ऊंकर अउर उनकर ' ( उसका / उनका ) :-
जइसे : -
ओकर सारी ऐ । ( उसकी साली है । )
वोकर करा जाबे का ? ( क्या उसके पास जाओगे ? )
उनकर संग बइठे हे । ( उनके पास बैठे हैं । ) ( बहुवचन के परयोग )
ऊंकर नाव तो दुनिया गाथे । ( उनका नाम तो पूरी दुनिया गाता है । )
2 . ' एखर, एकर अउर इनकर ' ( इसका / इनका ) :
जइसे : -
ए बइला हर एखर हे । ( यह बैल इसका है । ) ( एकवचन )
एकर का नाव हे । ( इसका क्या नाम है । )
इनकर गाड़ी ए । ( इनकी गाड़ी है । )
इनकर गाय - गरू मन घलो इकरे हे । ( इनकी गाय - बैल आदि इसी का ही है । )
नोट : - एसनेच किसिम के अउर कई ठन उधारन हे, तेला घलोक देखव ।
जेकर, जेखर, जिनकर अउर जेनकर ( जिसका / जिनका ) ।
वोकरेच ( उसी का / उसका ही ) । उनकरेच ( उन्हीं का / उनका ही ) ।
एकरेच ( इसी का / इसका ही ) । इनकरेच ( इन्हीं का / इनका ही ) ।
एकरेच मा ( इसी में / इसमें ही ) । एकरेच मा हावे ( इसमें ही है / इसी में है )
जेकरेच ( जिसका ही ) । जिनकरेच ( जिनका ही ) ।
जेनमेरेच ( जहाँ पर ही ) । ओमेरेच हे ( वहाँ पर ही है । वहीं पर है ) ।
हूँ ' के परयोग सर्वनाम के तीनों पुरुष के साथ मा हिन्दी के ' भी ' शब्द के बोध कराय बर करे जाथे ।
जइसे : -
एहू ( यह भी ) - एहू खाही ( यह भी खायेगा । )
यहू ( यह भी ) - यहू संग मा पढ़ही । ( यह भी साथ में पढ़ेगा । )
तहुँ ( तुम भी ) - तेहूँ जाना । ( तुम भी जाओ ना । )
तुहूं ( आप भी ) - तुहूँ आवा ना ( आप भी आइए ना । )
तेंहू ( तुम भी ) - तेंहू जाना । ( तुम भी जाओ ना । )
महू ( मैं भी ) - महू जाहाँ । ( मैं भी जाऊँगा । )
हमु ( हम भी ) - हमु खाबो । ( हम भी खायेंगे । )
वोहूं ( वे भी ) - वोहूं आहीं । ( वे भी आएंगे । )
वहू ( वह भी ) - वहू रेंध मचाही । ( वह भी लड़ाइ - झगड़ा करेगा । )
