वर्ग शब्द

काया - देहेंपाँव (शरीर संबंधी)

संसार मा जतिक प्रानी हे ओमा सबले महान ये मानुष चोला हे

 इही कारन ले येला दुर्लभ देह माने गेहे

 सरी दुनिया के सुख - सुभधा मनसे ला मिले हे अउर दूसर जीव ला कहाँ पाबे

 रूप - रंग के संग - संग, गुन, करम, सुभाव ले हर नर - नारी ला परखे जाथे

 दुनिया हा ' जर, जोरू अउर जमीन ' ला सवार - संजो के नी राखे ले जिनगी के जम्मो रस्ता येती - तेती होके मुँदा जाथे

 ये काया - काँदा ला सवारना, बनाना, बिगाड़ना, नूकसान करना मनसे के उपर हे ' मनसे अपन भाग के निरमाता अपन सवाँगे हे '

 हमर ऋषि मुनि मन के कहेना हे कि ' चौरासी लाख योनी ' ला भटक के ये दुर्लभ मानुष चोला मिले हे, ये अनमोल काया हे

 धरती मा इहीं हा बने बिचार हा सरग अउर खिनहा बिचार हा नरक हे कहीं अगास - पताल मा नी हे

 देई - देवता मन घलोक ये मनुष तन धरे बर तरसथे

 भगवान तो इही काया मा ही आते रहीस हे

 अनमोल काया बने किसिम ले रखना, चलाना ही जीवन जीये के कला हे

 संमुदर ओला कथें जेमा कई ठन नदिया मिले रथे ओसने किसिम के, ये कचलोहिया काया, नरतन मा नेक ठन देहें - पाँव ( अंग - अवयव ) संघर के ये अनमोल काया - काँदा बने हे तेकर हम थोकुन अंग मन के नाम जान लेवन

 

मुँड़ी	सिर
मुहूँ	मुँह
आँखी	आँख
थोथना	नासिका
कान	कान
टोटा	गला
जबरा	जबड़ा
मईलुटई	चोंटी
गोछी	कान का कली
माथा, कपार	मस्तक
बाटा	आँख का उपरी भाग
पुतरी	पुतली
बिरोनी	बिरौनी
सलोनी	सलौनी
ओंट	ओंट
तारु	तलवा
जीब	जीभ
छाती	सिना
दूद	स्तन
कोर	भौंव
चूची	स्तनाग्र भाग
बोडरी	नाभी
कनिहाँ	कमर
कोथा	पेट का नीचे भाग
नस	नस
रूआँ	रोम
अम्मल	गर्भवती
कुला	कुल्हा
हाड़ा	हड्डी
सांस	श्वांस
लहू	खून
गुदी	भेजा
पांव	पैर
मेंछा	मुँछ
रुआँ	रौंगट
खाँद	कंधा
माड़ी	घुटना
पॅऊरी	पैर का तलुवा
चेहरा	सूरत
गालू	गाल
मास	माँस
कुहनी	कोहनी
मरुआ	कलाई
वाहाँ	भूजा
अंगठा	अगुठा
अंगुरी	अगुली
चीनी अगुरी	कनिष्ठ
पोर	पोर
मई अँगरी	मध्यमा
मझलाअंगरी	अनामिका
मसुड़ा	मसुड़ा
नख	नाखून
हथोरी	हथेली
पसर	अंजलि
आधा पसर या ठोमाभर	आधा अंजिल
दाँत	दाँत
टॅगरी	टाँग
पिडरी	पिड़ली
जाघ	जंघा
पसली	पसली
खोपड़ी	खोपड़ी
मुठा	मूठ
एड़ी	एड़ी
पाँव खाल्हे	पाँव नीचे का भाग
बित्ता	बिता भर
करेजा	कलेजा
फेफड़ा	फेफड़ा
आँसू	आँसू
पसीना	पसीना
मुतुल	मूत्र
कनपट	कनपटी
गार	अण्डकोष
बुरा	गुप्तांग का बाल
नूनू	बच्चों का लिंग
लिंग	पुरुष का लिंग
पारस	गुप्त अंग का पदार्थ
जीब	जीभ
डाड़ा	दाड़
फूसी	मुँह का निकला पदार्थ या लिंग का रवेदार पदार्थ
पोंद	स्त्रीयों के गुप्तांग
नखसूतरी	नाखून के किनारे माँस निकला भाग
चूँदी	बाल
रेमट	नाक का पदार्थ
भोयनी	नाक का गुज्जू
चेथी	गला का पीछे का भाग
चिपरा	आँख का मैल
अन्तड़ी	अतड़ी
लुलूड़ी	गला का अन्दर का भाग
बेनी	वेणी
खोपा	जूड़ा
माँग	जहाँ बालों को दो भागों में बाँटा जाता है आदि