| पिता :- | बसदेव राम निषाद |
| सम्पर्क:- | 9713872983 |
| ईमेल :- | rajesh.nishad23@gmail.com |
| जन्म तिथि :- | 02281987 |
| शिक्षा:- | एम.ए. संस्कृत |
| पता :- | ग्राम चपरीद पोस्ट समोदा तहसील आरंग जिला रायपुर छत्तीसगढ़ 493441 |
| पद:- | दवाई कम्पनी में कर्मचारी |
| विधा :- | हमर महतारी,मोर छोटे से गांव, कलेवा, नारी के कहानी, हमर छत्तीशगढ़ी बोली,माटी मोर मितान, कब आबे र् करिया बादर,नव बछर के बधाई,पन्द्रह अगस्त के परब ल मनाबो,हमन हरन छत्तीसगढ़िया,हमर किसनहा, बदलाव नवा साल म आदि विभिन्न रचनाएं प्रकाशित |
| रचना1 शीर्षकन :- | कब आबे रे करिया बादर |
| रचना1 :- | ।। कब आबे रे करिया बादर ।। कब आबे रे करिया बादर उमड़ घुमड़ के कब बरसबे देख ये भुईयां के का हाल होगे हे कब तै येला दरपबे तोर अगोरा म हावय किसान नई बोवाय हावय धान धर के तईयार हावय नागर कब आबे रे करिया बादर ................ रिमझिम रिमझिम तै ह बरसथस सब के मन ल भाथस उमड़ घुमड़ के गरजत रहिथस छिन छिन म लुका जाथस तै काबर नई आवत हस खेतखार परिया पर के होगे चातर कब आबे रे करिया बादर ............. जब जब तै ह आथस गली खोर म घलो चिखला मात जाथे डबरा खोचका के भरे पानी ल देख मेचका मन टरर टरर नरियाथे जोहत हावंव तोला अब तो दरस देखा जा बईठे हावंव तोर अगोरा म अब झन तरसा तोर ले हमर विनती हावय सुनले हमर गोहार कब आबे रे करिया बादर .............. रचनाकार ÷ राजेश कुमार निषाद ग्राम चपरीद ( समोदा ) |
| रचना2 शीर्षकन :- | नवा बछर के बधाई |
| रचना2 :- | ।।नवा बछर के बधाई।। गांव गली खोर म लईका मन के शोर म। होवत बिहनिया बने लागथे चिरई मन के चहचहई। नवा बछर के गाड़ा गाड़ा बधाई। सुख दुःख कतको आईस बीते बछर लेगे अपन संग म। अईसन खुशी मनबो संगी डुबके नवा बछर के रंग म। खाबो पेड़ा अऊ बांटबो मिठाई नवा बछर के गाड़ा गाड़ा बधाई। जतन करो रे दाई ददा के इहि जीवन के आधार म। जनम धरे हस इहि भुइयां म कुछु नई हे मोहमाया के संसार म। बनके बनिहार करव सबके भलाई। नवा बछर के गाड़ा गाड़ा बधाई। मिलजुल के सब काम करव नवा बछर के खुशहाली म। पेड़ लगावव जतन के सुन्दर दिखहि हरियाली म। प्रण अईसन ठानव महकन दव अमराई नवा बछर के गाड़ा गाड़ा बधाई। रचनाकार ÷ राजेश कुमार निषाद ग्राम चपरीद (समोदा ) 9713872983 |
| पुरस्कार :- | छत्तीसगढ़ के पागा कलगी एवं छत्तीसगढ़िया क्रांति सेना सम्मान |
