| पिता :- | श्री मानक लाल कोशले |
| सम्पर्क:- | 9993648836 |
| ईमेल :- | rajeshkoshley@gmail.com |
| जन्म तिथि :- | 02/10/1987 |
| शिक्षा:- | बी.एस.सी, एम.ए, डी.एड. |
| पता :- | गांव माकरी पो.+थाना कुण्डा तह. पंडरिया जिला कबीरधाम(छ.ग) |
| पद:- | शिक्षक |
| विधा :- | ए बादर तैं काबर करत हवस हाँसी, |
| रचना1 शीर्षकन :- | ए बादर तै काबर करत हवस हाँसी |
| रचना1 :- | *ए बादर, तैं काबर करत हाँसी,,,,,,* ~~~~~~~~~~~~~~~~~ ए बादर,तैं काबर करत हवस हाँसी ! धर मुड़ी रोवत,फाटत किसनहा भुइयां छाती !! ए बादर,तैं काबर--------- परे खेत म बिजहा,बिन बादर भतागे ! मुचुर-माचर आए, जरइ घला सुखागे !! बइठे मेढ़ म, छोर पागा आवत हे रोवाँसी ! ए बादर, तैं काबर करत हवस हाँसी !! असाढ़ के अवइया,सावन ल बिजरा दें ! सज-सँवर बइठे सुंदरी,हिरदे ल रोवाँ दे !! ढीट बरोबर निमगा, करे तेहा हठ्ठासी ! ए बादर, तैं काबर करत हवस हाँसी !! ठोंक-ठठा के नागर,बइला ल कोटना बोरूवा ! खेती-खार धुर्रा उड़े,भुइयां कइसे डारव बिरवाँ !! चिक्कन परे टिकरा-भर्री,बाहरा नार मटासी ! ए बादर, तैं काबर करत हवस हाँसी !! राजेश कोशले,,, |
| रचना2 शीर्षकन :- | मुचमुचावत सुवारी ल रंग लगाव |
| रचना2 :- | *मुचमुचावत सुवारी ल रंग लगाव,,,,* ~~~~~~~~~~~~~~~~ आसों फगुवा म,लुगरा लाली बिसाव ! मुचमुचावत सुवारी ल,रंग लगाव !! रतिहा दुनों करेन,सुमत भरे गोठ ! हंसी -ठिठोली रंगबो पोठम-पोठ !! किलों-किलों गुलाल,झट-झट बोहाव ! मुचमुचावत सुवारी ल,रंग लगाव !! कर उधारी, लाने हव नवा लुगरा ! काबर के चोरों-बोरों,हो जाही अचरा !! खंती-माटी के झोकेंव,झटकुन पटाव ! मुचमुचावत सुवारी ल,रंग लगाव !! सोये-बसे रतिहा,उठे ल परही बिहनिहा ! टिमिक-टामक नगारा,फ़ाग डोले कनिहा !! पउर फुलाये रहिस मुंह,पहली आसों मनाव ! मुचमुचावत सुवारी ल, रंग लगाव !! संगी-साथी खेलत-कूदत,जतनही लइका ! लिपे-पोते छितका कुरिया,भिठिया फइका !! निकले गली-खोर,गुजड़ सकरी लगाव ! मुचमुचावत सुवारी ल, रंग लगाव !! अइसन हित-मीत के फगुवा, रोजे आवय ! पिचके पिचका भींगे,चुनरी चोली सुवारी भावय !! चढ़े मया के रंग,कइसे झटकुन छोड़ाव ! मुचमुचावत सुवारी ल, रंग लगाव !! *राजेश कोशले,,, |
| पुरस्कार :- | बिलासा साहित्य समिति बिलासपुर/ |
